ՏԵՍԱՆՅՈՒԹ. Պայթյուն Լոռու մարզի գազալցակայաններից մեկում. կա տուժած
Լոռու մարզի Մեծ Պարնի գյուղի մոտ գտնվող գազալցակայանում պայթյուն է տեղի ունեցել, ինչի հետևանքով 1 անձ տուժել է։ Տեղեկությունը հայտնում է ՀՀ ներքին գործերի նախարարության փրկարար ծառայությունը։
Նշվում է, որ դեպքի մասին ահազանգը ստացվել է օգոստոսի 1-ին`ժամը 14:42-ին։
«Դեպքի վայր են մեկնել փրկարար ծառայության օպերատիվ խումբը և հրշեջ-փրկարարական ջոկատից երեք մարտական հաշվարկ: Պարզվել է, որ գազալցակայանում տեղի է ունեցել պայթյուն՝ հրդեհի բռնկմամբ. կա տուժած»,– ասված է հաղորդագրությունում:
Նշվում է, որ հրդեհը մեկուսացվել է ժամը 15:23-ին, մարվել՝ 15:27-ին:
