ՏԵՍԱՆՅՈՒԹ․ Ուժգին պայթյուն Թաիլանդի պիրոտեխնիկայի պահեստում․ կան զոհեր և վիրավորներ
Թաիլանդում պայթյուն է որոտացել Սունգաիկոլոկ քաղաքի պիրոտեխնիկայի պահեստում։ Այս մասին հայտնում է Thai PBS-ը։
Նարաթիվատ նահանգի իշխանությունները հայտնել են, որ զոհվել է ինը մարդ, վիրավորվել՝ 115-ը, իսկ 113-ը ծայրահեղ ծանր վիճակում տեղափոխվել են տեղի հիվանդանոցներ: Նախնական տվյալներով՝ պահեստում աշխատել է զոդող։ Եռակցման մեքենայից կայծերը հարվածել են հրավառությանը, ինչն էլ հանգեցրել է պայթյունի։
Ըստ թայլանդական PBS-ի՝ պայթյունից հետո հարվածային ալիքն անցել է շուկայով, առևտրի կենտրոնով և 150 տներով, որոնցից մի քանիսն ամբողջությամբ ավերվել են։
Պորտալի տվյալներով՝ քաղաքում վրաններ են տեղադրվել՝ տուժածներին առաջին օգնություն ցույց տալու համար։ Սպասվում է, որ Սունգայկոլոկ շրջանի Մունո ենթաշրջանի սպորտային կենտրոնի շենքում ժամանակավորապես 500-800 մարդ կբնակվի։ Մարդիկ կապահովվեն սննդով և խմելու ջրով։
