ՏԵՍԱՆՅՈՒԹ. Հլա ով չի սիրում կոնֆետ, թող ձեռք բարձրացնի. Փաշինյանն այցելել է Գավառի թիվ 7 մանկապարտեզ

ՀՀ վարչապետ Նիկոլ Փաշինյանն այցելել է Գեղարքունիքի մարզ: Այս մասին նա հայտնել է ֆեյսբուքյան իր էջում` հրապարակելով տեսանյութը: 

«Գավառում ծանոթացել եմ հանրապետական նշանակության ավտոճանապարհի 3,4 կմ հատվածի հիմնանորոգման աշխատանքների ընթացքին, որոնք ավարտական փուլում են:

Ծրագրի նպատակով պետբյուջեից հատկացվել է 1 մլրդ 733 մլն դրամ: Ընդհանուր առմամբ, այս տարի Գեղարքունիքում ընթացքի է մեջ են ավելի քան 50 կմ ավտոճանապարհների հիմնանորոգման աշխատանքներ:

Գավառում սուբվենցիոն ծրագրով վերանորգվել է Սուրբ Աստվածածին եկեղեցու հարակից տարածքը: Ծրագրի արժեքը ավելի քան 21 մլն դրամ է, որի մի մասը հատկացվել է պետբյուջեից, մյուս մասը՝ համայնքի:

Ծանոթացա նաեւ Գավառի թիվ 7 մանկապարտեզի հիմնանորոգման աշխատանքների ընթացքին: Կրկին սուբվենցիոն ծրագրով իրականացվող աշխատանքները գնահատվում են 174 մլն դրամ, որի 75 տոկոսը հատկացրել է Կառավարությունը: Աշխատանքները կավարտվեն առաջիկայում»,- գրել է Փաշինյանը:

Մանկապարտեզում երեխաներին կոնֆետներ են բաժանել: 

«Հլա ով չի սիրում կոնֆետ, թող ձեռք բարձրացնի»,- ասել է Փաշինյանը: 

Մանրամասները` տեսանյութում: