Ադրբեջանը պետք է անհապաղ վերացնի շրջափակումը. Կիպրոսի ԱԳՆ
Կիպրոսի արտգործնախարարությունը մտահոգություն է հայտնել Լեռնային Ղարաբաղի ճգնաժամի կապակցությամբ:
«Կիպրոսը դատապարտում է Լաչինի միջանցքի շարունակվող շրջափակումը և խորապես մտահոգված է Լեռնային Ղարաբաղում հումանիտար ճգնաժամով։
Ադրբեջանը պետք է անհապաղ վերացնի շրջափակումն ու երաշխավորի անվտանգությունն ու տեղաշարժի ազատությունը՝ համաձայն 2020 թվականի հայտարարության և Արդարադատության միջազգային դատարանի որոշման»,- հայտնել է եվրոպական պետության դիվանագիտական գերատեսչությունը թվիթերյան իր էջում։
