Մեծ Բրիտանիայում առաջարկում են «Վագների» խումբն ահաբեկչական ճանաչել

Համայնքների պալատի արտաքին հարաբերությունների հանձնաժողովի նախագահ Ալիսիա Քիրնսը Մեծ Բրիտանիայի կառավարությանը կոչ է արել խստացնել սահմանափակումները «Վագների» խմբի նկատմամբ և ընկերությունը ճանաչել որպես ահաբեկչական կազմակերպություն, հայտնում է Reuters-ը։ Կոմիտեն այսօր՝ հուլիսի 26-ին, հրապարակել է 82 էջանոց զեկույց Աֆրիկայում խմբավորման գործունեության վերաբերյալ։ 

Ըստ Քերնսի՝ բրիտանական նախարարների կաբինետը ցույց է տալիս Եվրոպայից դուրս «Վագների» ազդեցության «վհատեցնող անհասկացողություն» այն մասին, թե ինչպես է խմբավորումը վարվում աֆրիկյան երկրներում: «Այն պայմաններում, երբ ցանցը ավելի քան խոցելի է, եկել է գործելու ժամանակը»,- ​​ասել է նա։ 

Քերնսի խոսքով՝ կառավարությունը չուներ համահունչ ռազմավարություն, և ջանքեր չեն գործադրվել «Վագների» «խնդիրը լուծելու» ուղղությամբ։ 

Հուլիսի 20-ին Մեծ Բրիտանիան պատժամիջոցներ է կիրառել Մալիում և Կենտրոնական Աֆրիկյան Հանրապետության «Վագների» խմբի հրամանատարներ Իվան Մասլովի և Վիտալի Պերֆիլևի, ինչպես նաև Կոնստանտին Պիկալովի դեմ, ում անվանել են խմբավորման ղեկավար Եվգենի Պրիգոժինի «աջ ձեռք»։