
Հայտնի է, թե ով է պարեկին վրաերթի ենթարկած «Մայբախ»-ի վարորդը

Այսօր Բաղրամյան պողոտայում պարեկին վթարի ենթարկած «Մայբախ» մակնիշի մեքենան պատկանում է «Կառուցապատողների հայկական» ասոցիացիայի հիմնադիր եւ խորհրդի անդամ Վահե Պետրոսյանին, բայց վրաերթի պահին ղեկին եղել է Վահե Պետրոսյանի վարորդը: Այս մասին հայտնում է ArmLur.am-ը:
Ավելի վաղ հայտնել էինք, որ Բաղրամյան-Պռոշյան խաչմերուկում բողոքի ակցիայի ժամանակ «Մայբախ» մեքենայի վարորդը վրաերթի է ենթարկել պարեկային ծառայողներից մեկին:
Հիշեցնենք, որ այս րոպեներին Էջմիածնի «Քիմիկների զորամաս»-ի անհետ կորած ու գերիների զինծառայողների հարազատները բողոքի ակցիա են իրականացնում: Նրանք պահանջում են վարչապետ Նիկոլ Փաշինյանի հետ հանդիպում: