Առևանգված հայ զինծառայողներն Ադրբեջանում ազատազրկման են դատապարտվել 11 տարի 6 ամիս ժամկետով

Սումգայիթի դատարանը ՀՀ-ից առևանգված 2 հայ զինծառայողներին ներկայացրել է իբրև դիվերսանտներ և դատապարտել 11,5 տարվա ազատազրկման: Այս մասին հայտնում են ադրբեջանական լրատվամիջոցները:

Ավելի վաղ հայտնել էինք, որ Սումգայիթի ծանր հանցագործությունների դատարանում պահանջում են 12 տարվա ազատազրկման դատապարտել առևանգված հայ զինծառայողներ Հարություն Հովագիմյանին և Կարեն Ղազարյանին: 

Հիշեցնենք՝ մայիսի 26-ին մարտական դիրքեր սնունդ մատակարարող երկու հայ զինծառայողների հետ կապն ընդհատվել էր:  Քննչական կոմիտեից ավելի ուշ տեղեկացրել էին, որ նախնական տվյալով՝ Ադրբեջանի զինված խումբը հատել է սահմանը և առևանգել հայ զինծառայողներին: