«ԵՄ պաշտոնյաները պետք է գիտակցեն՝ ինչ սպառնալիք է ներկայացնում բռնապետական Ադրբեջանին աջակցելը». Բեգլարյան

Եվրամիության պաշտոնյաները պետք է գիտակցեն, թե ինչ սպառնալիք է ներկայացնում բռնապետական Ադրբեջանին աջակցելը։ Այս մասին իր թվիթերյան էջում գրել է Արցախի պետական նախարարի խորհրդական Արտակ Բեգլարյանը:

«Ադրբեջանի դեսպան Վագիֆ Սադիկովի կողմից Եվրախորհրդարանի անդամներին ակնհայտ սպառնալիքը միայն սկիզբն է։ Նրան անցանկալի անձ հայտարարելը տվյալ դեպքում նվազագույնն է, ինչ կարելի է անել»,- գրել է Բեգլարյանը։ 

Հիշեցնենք՝ Բելգիայում և Լյուքսեմբուրգում Ադրբեջանի դեսպան և Եվրոպական Միությունում ադրբեջանական պատվիրակության ղեկավար Վագիֆ Սադիկովը հունիսի 23-ին իր թվիթերյան էջում տեղադրել էր ադրբեջանական արտադրության դիպուկահար հրացանի նկարն ու սպառնալի գրառում արել․ «Գիտեն՝ ինչ անել իրենց պաշտպանելու համար։ Ադրբեջանական արտադրության Istigal IST-14.5 դիպուկահար հրացանը մոտ 3000 մետր հեռահարությամբ է կրակում։ Տղանե՛ր, հեռու մնացեք Ադրբեջանի պետական սահմանից․․․»: