ՏԵՍԱՆՅՈՒԹ. Գնաց բախում, բուն մարտի մեջ որևէ զոհ չտվեց մեր բանակը. Փաշինյանը` հուլիսյան մարտերի մասին

44-օրյա պատերազմի հանգամանքներն ուսումնասիրող քննիչ հանձնաժողովը շարունակում է հունիսի 20-ին ընդհատված նիստը:  Վարչապետ Փաշինյանը շարունակում է պատասխանել պատգամավորների հարցերին: 

Նիստը նախագահող Անդրանիկ Քոչարյանը  նշել է, որ 2020թվ.-ի  հուլիսյան մարտերից խոսելիս Գլխավոր շտապի նախկին պետը և արտգործանախարարը տվել են որոշակի գնահատականներ: 

«Գլխավոր շտաբի պետ Օնիկ Գասպարյանը հուլիսյան դեպքերի մասին խոսելիս ասել է, որ մենք մեր տարածքում մեր դիրքերն էինք վերցնում: Զոհրապ Մնացականյանն ասել է, որ զգացողությունը այնպիսին է եղել, որ այդ դեպքերից հետո փոխվեց բանակցությունների ընթացքը: Դուք ինչպես գնահատեք այդ իրադարձությունը»,- հարցրել է Քոչարյանը: 

«Դա ինչ-որ առումով նաև տեստ էր, բանակի կողմից հնչեցված հավաստիացումների հավաստիության: Այսինքն որովհետևգնաց բախում, և այնտեղ շատ լավ իմաստով տարօրինակ բան տեղի ունեցավ: Մարտական պայմաններում ոչ մի զոհ չտվեց մեր բանակը: Այսինքն բուն մարտի մեջ ոչ մի զոհ չտվեց»,- նշել է Փաշինյանը:

Մանրամասները` տեսանյութում: