ՄԱԳԱՏԷ-ն հերքել է Զապորոժիեի ԱԷԿ-ի ականապատման մասին հայտարարությունը
ՄԱԳԱՏԷ-ն հերքել է ուկրաինական հետախուզության ղեկավար Կիրիլ Բուդանովի հայտարարությունը, թե ռուսական զորքերը ականապատել են Զապորոժիեի ատոմակայանը, ներառյալ հովացման ջրերի համար նախատեսված ավազանը։
Նշվել է, որ կազմակերպության ղեկավար Ռաֆայել Գրոսսիի վերջին այցելության ժամանակ դրանք չեն հայտնաբերվել:
Այսօր ավելի վաղ հայտնել էինք, որ Ուկրաինայի հետախուզությունը տեղեկություն էր ստացել, որ Ռուսաստանը դիտարկում է Զապորոժիեի ատոմակայանում ռադիացիայի արտանետմամբ ահաբեկչության սցենարը, հայտարարել էր Ուկրաինայի նախագահ Վլադիմիր Զելենսկին։
«Մենք հենց նոր ստացանք զեկույց մեր հետախուզությունից և Ուկրաինայի անվտանգության ծառայությունից, որ Ռուսաստանը դիտարկում է Զապորոժիեի ատոմակայանում ահաբեկչական հարձակման սցենար՝ ահաբեկչություն՝ ռադիացիայի արտանետմամբ: Նրանք ամեն ինչ պատրաստել են դրա համար»,- ասել էր նա։
Նախագահի խոսքով, առկա ողջ տեղեկատվությունը փոխանցվում է միջազգային գործընկերներին և կազմակերպություններին։
