Կախովկայի ՀԷԿ-ի ավերումը չի ազդի հակահարձակման վրա. Զելենսկու գրասենյակ
Ուկրաինայի նախագահ Վլադիմիր Զելենսկու գրասենյակը գնահատել է Կախովկայի ՀԷԿ-ի ավերման ազդեցությունը հակահարձակման վրա։ Bloomberg-ը գրում է, որ ըստ նախագահի գրասենյակի ղեկավարի տեղակալ Իգոր Ժովկվայի խոսքի` միջադեպը ոչ մի կերպ չի խանգարի Կիևի ծրագրերին:
«Դա վաղ թե ուշ տեղի կունենար, ինչը եւ եղավ 02։50-ին։ Սա ոչ մի կերպ չի ազդի ռազմական գործողությունների վրա եւ մենք կիրականացնենք հակահարձակումը»,-ասել է Ժովկան։
Նա նաև երկրի արեւմտյան դաշնակիցներին կոչ է արել հստակ հայտարարել այն մասին, որ Ուկրաինայի «լիակատար անվտանգությունը հնարավոր է միայն ԵՄ-ին եւ ՆԱՏՕ-ին նրա լիարժեք անդամակցության դեպքում»։
