Հնդկաստանում նորապսակները հանկարծամահ են եղել առաջին ամուսնական գիշերը
Հնդկաստանի Ուտար Պրադեշ նահանգում նորապսակները մահացել են հարսանիքի հաջորդ գիշերը, այս մասին գրում է РИА Новости-ն հղում տալով India Today-ին։ Միջադեպը տեղի է ունեցել նահանգի հյուսիսում գտնվող Բահրայչ շրջանի գյուղերից մեկում։
Քսաներկու տարեկան մի երիտասարդ ամուսնացել է իր 20-ամյա սիրելիի հետ, հարսանիքից հետո նրանք մեկուսացել են իրենց սենյակում, իսկ հաջորդ առավոտյան նրանց գտել են մահացած։
Ինչպես նշում է թերթը, պատմությունն ավելի առեղծվածային է դարձել, երբ դատաբժշկական փորձաքննության արդյունքները ցույց են տվել, որ նորապսակների մահվան պատճառը սրտի կաթվածն է։ Այս տեղեկությունը հաստատել են տեղի ոստիկանությունից։
Թե կոնկրետ ինչը կարող է հանգեցնել սրտի կաթվածի, չի նշվում: Նորապսակների աճյունները դիակիզվել են փեսայի հայրենի գյուղում։
