Բլոգեր Միքայել Բադալյանի նկատմամբ նշանակվեց պատիժ՝ տուգանք 300.000 դրամի չափով
Բլոգեր Միքայել Բադալյանի գործով փաստաբան Էրիկ Ալեքսանյանը ֆեյսբուքյան իր էջում գրել է, որ Միքայել Բադալյանի դատավճռի հետ համաձայն չէ։
«Միքայել Բադալյանի նկատմամբ նշանակվեց պատիժ՝ տուգանք 300.000 դրամի չափով։ Դատարանի դատավճռի հետ միանշանակ համաձայն չենք և այն կբողոքարկենք վերաքննության կարգով»,- գրել է փաստաբանը։
Նշենք, որ բլոգերին մեղադրանք էր առաջադրվել ՀՀ քրեական օրենսգրքի 259-րդ հոդվածով (ահաբեկչության մասին սուտ հաղորդում տալը)։
Հիշեցնենք՝ բլոգերը 2022թվականի ապրիլի 11-ին իր տելեգրամյան էջում սուտ հաղորդում էր տվել այն մասին, որ արտակարգ իրավիճակ ստեղծելու համար ահաբեկչություններ են հնարավոր Հայաստանում։ Բադալյանը 2022թվականի ապրիլի 22-ին Ազատության հրապարակից բերման ենթարկվեց և ձերբակալվեց։
