ԱՄՆ-ում կխուսափեն դեֆոլտից․ Բայդեն
ԱՄՆ նախագահ Ջո Բայդենը հայտարարել է, որ Կոնգրեսի Ներկայացուցիչների պալատի հանրապետական խոսնակ Քևին Մաքքարթիի հետ բյուջեի համաձայնության է եկել, որի շնորհիվ հնարավոր կլինի խուսափել դեֆոլտից։ Այս մասին Բայդենն այսօր Մաքքարթիի հետ հեռախոսազրույցից հետո հայտնել է լրագրողներին։
«Լավ նորություն: Մենք խոսել ենք խոսնակ Մաքքարթիի հետ և հասել ենք երկկողմանի բյուջեի համաձայնության։ Պատրաստ ենք շարժվել դեպի ողջ Կոնգրես», - ասել է Բայդենը:
Միացյալ նահանգների նախագահը նշել է, որ օրինագիծը կուղարկվի ԱՄՆ Ներկայացուցիչների պալատ և ԱՄՆ Սենատ։Նա նաև օրենսդիրներին կոչ է արել աջակցել համաձայնագրին։
