Աննա Հակոբյանը պաշտոնական գործուղմամբ մեկնում է Եթովպիա

ՀՀ փոխվարչապետ Մհեր Գրիգորյանի ստորագրած որոշման համաձայն՝ Աննա Հակոբյանի գործուղման նպատակն է Ադիս Աբեբայում մասնակցել «Խաղաղություն և կայուն զարգացում. փիլիսոփայական ուսումնասիրություն» խորագրով միջազգային համաժողովին։ ՀՀ վարչապետի աշխատակազմին հանձնարարական է տրվել սահմանված կարգով փոխհատուցել գործուղման հետ կապված փաստացի ծախսերը։ 

Փաստաթղթում նշվում է, որ հուլիսի 19-ի օրապահիկը հաշվարկվելու է տարանցիկ վայրի՝ Դուբայի համար։ Բացի այդ, սահմանված որոշմամբ նախատեսվում է, որ գործուղումից վերադառնալուց հետո Աննա Հակոբյանը երեք աշխատանքային օրվա ընթացքում համապատասխան հաշվետվություններ կներկայացնի ՀՀ վարչապետի աշխատակազմ և ՀՀ արտաքին գործերի նախարարություն։