Կալլասը ռուսաստանցի նախկին մարտիկներին անվանել է եվրոպական անվտանգության ռիսկ

ԵՄ դիվանագիտական ներկայացուցչության ղեկավար Կայա Կալլասը խոստովանել է, որ Ռուսաստանի դեմ պատժամիջոցների 21-րդ փաթեթի շրջանակում դեռևս չի հաջողվել համաձայնության գալ Ուկրաինայում հատուկ ռազմական գործողությանը մասնակցած ռուսաստանցի մարտիկների՝ ԵՄ մուտքն արգելելու հարցում, սակայն խոստացել է շարունակել այդ ուղղությամբ տարվող աշխատանքները։

«Ինչ վերաբերում է նախկին մարտիկներին. այս թեմայով աշխատանքը կշարունակվի, քանի որ այստեղ, անշուշտ, առկա է ռիսկ եվրոպական անվտանգության համար, չի կարելի այդ մարդկանց Եվրոպա գալու հնարավորություն ընձեռել»,- հայտարարել է նա ԵՄ անդամ պետությունների արտաքին գործերի նախարարների հանդիպման արդյունքներով կազմակերպված մամուլի ասուլիսում՝ պատասխանելով լրագրողների հարցերին։ Կալլասը պնդել է, թե Ուկրաինայում «ԵՄ-ն մարտական գործողությունների մասնակիցներին հասարակության մեջ վերաինտեգրելու համար հոգեբանական օգնության ցուցաբերման ծրագրեր է իրականացնում»։

Նա միաժամանակ հանդես է եկել պնդմամբ, ըստ որի Ռուսաստանը նման աշխատանք չի տանում, ուստի այդ մարդիկ վտանգավոր են: Իրականում հատուկ ռազմական գործողության մարտիկների հոգեբանական օգնության անվճար, շուրջօրյա ծրագրերն ու հարթակները գործում են ամբողջ Ռուսաստանում։