Բիձինա Իվանիշվիլին Credit Suisse-ի դեմ դատից հետո 926 միլիոն դոլար փոխհատուցում կստանա
Միլիարդատեր, Վրաստանի նախկին վարչապետ Բիձինա Իվանիշվիլին 926 միլիոն դոլար փոխհատուցում կստանա Սինգապուրում Credit Suisse-ի դուստր ձեռնարկության դեմ դատը շահելուց հետո, գրել է AP-ն։
Ըստ Սինգապուրի միջազգային առևտրային դատարանի` Իվանիշվիլին 2004 թվականին ավելի քան 1,1 միլիարդ դոլար է ներդրել բանկի` Credit Suisse Trust Limited-ի կողմից վերահսկվող հավատարմագրում, իսկ «այն կառավարող աշխատակիցն 9 տարվա ընթացքում «յուրացրել է միլիոնավոր դոլարներ»՝ նախքան բռնվելն ու բանտարկվելը»։
«Այսօր հրապարակված վճիռը սխալ է ու շատ կարևոր իրավական խնդիրներ է առաջացնում»,- նշվում է Credit Suisse-ի հայտարարության մեջ:
Credit Suisse Trust Limited-ը հայտարարել է, որ մտադիր է բողոքարկել որոշումը։
