Հերթական սադրանք. Զուրաբիշվիլին` Ռուսաստանի կողմից վիզային ռեժիմի չեղարկման մասին
Վրաստանի նախագահ Սալոմե Զուրաբիշվիլին Ռուսաստանի կողմից վիզային ռեժիմի չեղարկումը Վրաստանի քաղաքացիների համար անվանել է «հերթական սադրանք»։ Նախագահի խոսքով՝ ուղիղ ավիահաղորդակցության վերականգնումը եւ վիզային սահմանափակումների չեղարկումը Վրաստանի հետ անընդունելի են, քանի դեռ Ռուսաստանը շարունակում է ագրեսիան Ուկրաինայի դեմ եւ մեր տարածքի օկուպացիան։
«Ռուսական հերթական սադրանք։ Ուղիղ ավիահաղորդակցության վերականգնումը եւ վիզային սահմանափակումների չեղարկումը Վրաստանի հետ անընդունելի են, քանի դեռ Ռուսաստանը շարունակում է իր ագրեսիան Ուկրաինայի դեմ եւ մեր տարածքի օկուպացիան»,- գրել է նախագահը թվիթերյան իր միկրոբլոկում:
Հիշեցնենք` այսօր Ռուսաստանի նախագահ Վլադիմիր Պուտինը հրամանագրեր է ստորագրել, որոնցով նախատեսվում են Վրաստանի հետ վիզային ռեժիմի չեղարկում եւ ուղիղ ավիահաղորդակցության վերականգնում։
