Արևմուտքը 104 տարի փորձում է վրեժ լուծել Թուրքիայից. Թուրքիայի ՆԳՆ

Թուրքիայի ներքին գործերի նախարար Սուլեյման Սոյլուն հայտարարել է, որ արևմտյան մամուլը, որպեսզի իրագործի ԱՄՆ պլանը, մանիպուլյացիաներ է կազմակերպում Թուրքիայում կայանալիք նախագահական և խորհրդարանական ընտրություններից առաջ: 

«ԱՄՆ ծրագիրն ակտիվորեն ամրապնդվում է։ Արեւմտյան մամուլի միջամտության պատճառը ԱՄՆ-ի ծրագրի իրականացումն է»,- ասել է Թուրքիայի ՆԳՆ ղեկավարը։

Սոյլուն կարծում է, որ 1960-ից հետո Արևմուտքը ներթափանցեց Թուրքիայի քաղաքական համակարգ, սակայն Ռեջեփ Թայիփ Էրդողանը դադարեցրեց Արևմուտքի ներթափանցումը երկիր, ուստի Արևմուտքը սկսեց ակտիվորեն միջամտել Թուրքիայի ներքաղաքական գործընթացներին։

Նրա խոսքով՝ երկրում ԱՄՆ դեսպանը ցանկանում է վերահսկել մայիսի 14-ի համընդհանուր ընտրությունների ընթացքը։
 

Սոյլուն մեղադրել է Արեւմուտքին 104 տարի շարունակ Թուրքիայից վրեժխնդիր լինելու մեջ՝ արեւմտյան աշխարհաքաղաքական նախապատվությունները չընդունելու համար։