ՏԵՍԱՆՅՈՒԹ. Ես ձեր հարցին չեմ պատասխանում. Ռուբինյան
ԱԺ փոխնախագահ Ռուբեն Ռուբինյանն այսօր՝ «Հաղթանակ» զբոսայգում չցանկացավ պատասխանել լրագրողների հարցերին, թե որպես Թուրքիայի հետ հարաբերությունների կարգավորման հարցերով հատուկ ներկայացուցիչ ինչու էր գնացել Վաշինգտոն եւ մասնակցում Հայաստան-Ադրբեջան հարաբերությունների կարգավորման բանակցություններին:
«Ես ձեր հարցին չեմ պատասխանում»,-ասել է նա: ՀՀ ԱԳ նախարար Արարատ Միրզոյանը ևս հրաժարվել է պատասխանել լրագրողների հարցերին:
Վարչապետ Նիկոլ Փաշինյանը ԱԺ-ում հայտարարել էր, որ իր քաղաքական որոշմամբ է Ռուբինյանը մասնակցել այդ բանակցություններին: Ընդդիմադիրները պնդում են, որ դա վկայում է այն մասին, որ հայ-թուրքական եւ հայ-ադրբեջանական գործընթացները փոխշաղկապված են եւ դա եղել է Թուրքիայի նախապայմաններից մեկը:
