Հնդկաստանում 9 մարդ է մահացել անհայտ գազի արտահոսքի հետևանքով
Հնդկաստանի Փենջաբ նահանգում գազի արտահոսքի հետևանքով առնվազն 9 մարդ մահացել է, իսկ 11-ը հիվանդանոցում է, հայտնել են տեղական իշխանությունները։
«Միանշանակ, սա գազի արտահոսք է: Տեղում է աղետների արձագանքման ազգային ծառայության թիմը, որը կտարհանի մարդկանց և կիրականացնի փրկարարական գործողություն: Այս միջադեպի հետևանքով 9 մարդ մահացել է, 11-ը հիվանդանոցում է»,-հայտնել են ոստիկանությունից:
Ոստիկանությունից հավելում են նաև, որ արտահոսքի աղբյուրը և գազի տեսակը դեռ պարզվում են։
