Երևանի շենքերից մեկի նկուղում մոտ 70 տոննա ջուր է լցվել
Ճգնաժամային կառավարման ազգային կենտրոն ահազանգ է ստացվել, որ Կուրղինյան փողոցի թիվ 11 շենքի նկուղը ջրալցված է․ ջուրը քաշելու համար անհրաժեշտ է փրկարարների օգնությունը։
Այս մասին տեղեկանում ենք ՆԳՆ փրկարար ծառայությունից։ Դեպքը գրանցվել է ապրիլի 21-ին, այնտեղ է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները նկուղից հեռացրել են մոտ 70 տոննա ջուր։
