Մեքսիկայում զինյալների խումբը սպանել է վեց մեծահասակի և մեկ երեխայի
Մեքսիկայի կենտրոնական մասում զինյալների խումբը ներխուժել է առողջարանի տարածք, որտեղ տասնյակ մարդիկ հանգստյան օրերն էին անցկացնում, կրակ է բացել՝ սպանելով 6 մեծահասակի և յոթնամյա երեխայի, տեղի իշխանություններին վկայակոչելով տեղեկացնում է The Associated Press-ը։
Գուանախուատո նահանգի Կորտազար քաղաքի իշխանությունների հայտարարության մեջ նշվում է որ ութերորդ մարդը ծանր վիրավորվել է Լա Պալմա առողջարանում հարձակման հետևանքով։
Հարձակման հնարավոր դրդապատճառների մասին տեղեկություններ չկան։ Իշխանությունների հայտարարության համաձայն, հրաձգությունից հետո հարձակվողները քարուքանդ են արել սպա-սալոնը և իրենց հետ վերցրել դիտարկման խցիկները, որից հետո անհետացել են։ Երեք կին, երեք տղամարդ և մեկ երեխա զոհվել են։
Մեքսիկական զինվորները և ոստիկանությունը որոնում են հանցագործներին։
