ՏԵՍԱՆՅՈՒԹ. Այս պահին երաշխիքներ չկան, որ գործողությունները չեն վերսկսվի. ՔՊ պատգամավոր
ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը ճեպազրույցի ժամանակ նշել է, որ այս պահին երաշխիքներ չկան, որ գործողությունները չեն վերսկսվի:
«Ցանկացած պահի կարող է գործընթացների էսկալացիա է սկսվել: Ադրբեջանցիները մեքենայով հասել են Տեղ գյուղի մոտ գտնվող հայկական դիրքեր և պահանջել դադարեցնել ինժեներական աշխատանքները, հայ զինվորականները պատասխանել են. Հենց դրա արդյունքում էլ սկսվեցին մարտերը:
Երեկ հայկական բանակը շատ հստակ կատարեց իր վրա դրված խնդիրը. Ցավոք սրտի, մեր զինծառայողները զոհվեցին, բայց բանակը փայլուն կատարեց իր խնդիրը։
Այնտեղ ամեն օր բանակցություններ են վարվում, երբեմն շատ կոշտ: Նրանք ամեն կերպ փորձում են խաթարել մեր ինժեներական աշխատանքը։ Այնտեղ շատ լուրջ ինժեներական աշխատանքներ են տարվել՝ մեծ մասշտաբով, և դա իհարկե ադրբեջանցիներին դուր չի գալիս», - ասել է իշխող խմբակցության պատգամավորը:
Ըստ Խաչատրյանի` Ռազմական գործողությունները դադարեցնելու միջնորդություն չի եղել, դրանք դադարեցվել են Հայաստանի և Ադրբեջանի համապատասխան ներկայացուցիչների բանակցությունների արդյունքում։
Մանրամասները` տեսանյությում:
