ՏԵՍԱՆՅՈՒԹ․ Ուզում էի թքեի հենց Քյարամյանի երեսին և օնլայն ներողություն խնդրեի․ զոհված զինծառայողի ծնող

Մենք հասկանում ենք, որ քաշքշուկները բարոյական տեսանկյունից մեզ վնաս է պատճառել, բայց այսօր մենք ավելի թանկ բան ենք կորցնում, մեր տղերքի արյունով թռջված հողն ենք կորցնում, որը մեզ համար շատ ավելի թանկ է, քան մեզ քաշքշելը: Այս մասին, այսօր՝ ապրիլի 14-ին, Քննչական կոմիտեից դիմաց լրագրողների հետ զրույցում նշեց 44-օրյա պատերազմում զոհված Ժորա Մարտիրոսյանի մայրը՝ Գայանե Հակոբյանը՝ անդրադառնալով սեպտեմբերի 1-ին ոստիկանների կողմից զոհվածների ծնողներին բռնությամբ բերման ենթարկելու դեպքին:

Հարցին, թե մինչեւ երբ է ՔԿ-ի դիմաց շարունակվելու նստացույցը, նա պատասխանեց. «Մենք ասել ենք, որ ժամը 3-ին լրանում է նստացույցի 24 ժամը, մենք հիմա սպասում ենք իրենց, կախված է իրենց պատասխանից, կամ չպատասխանից: Դրանից հետո կորոշենք:  Իրենք մեզ երեկ ասել են, որ զբաղված են, չեն կարող մեր հարցերին պատասխանել, իրականում չունեն պատասխան:

Մենք տեսանք, թե Ալեն Սիմոնյանը ոնց էր թքել քաղաքացու վրա: Ճիշտն ասած, ես ինքս ուզում էի թքեի հենց Քյարամյանի երեսին եւ  ինչպես ինքն է արել, օնլայն ներողություն խնդրեի: Մեկ է՝ դրա համար ոչ մի  դատ, ոչ մի պատասխանատվություն չկա:Ես ամբողջ գիշեր չեմ քնել, սպասել եմ, որ գա, մինչեւ հիմա չի եկել»,-ասաց նա:

Կինը նաեւ նշեց, որ իրեն բռնության ենթարկած ոստիկաններն ատռերեսման ժամանակ ներողություն են խնդրել, ասել են, որ չեն ուզեցել նման բան լինի, բայց արել են, որովհետեւ ունեցել են հրաման:

Մանրամասները՝ News.am-ի տեսանյութում