Ո՞վ է գաղտնի փաստաթղթի արտահոսքի հեղինակը․ տարբերակներ են քննարկվում
Սոցցանցերում հայտնված ԱՄՆ գաղտնի փաստաթղթերը կարող են կեղծված լինել, Reuters-ին հայտնել են Ջո Բայդենի վարչակազմի երկու աղբյուրներ: Նրանց կարծիքով՝ այս կերպ ինչ-որ մեկը կարող էր փորձել մոլորության մեջ գցել քննիչներին։
Գործակալության տվյալներով՝ պաշտոնյաները կարծում են, որ դաշնակիցներից որևէ մեկը չի կարող լինել արտահոսքի աղբյուր, քանի որ փաստաթղթերն ընդգրկում են թեմաների լայն շրջանակ՝ Ուկրաինայից և Չինաստանից մինչև Մերձավոր Արևելք և Չինաստան: Պենտագոնի նախկին բարձրաստիճան պաշտոնյա Մայքլ Մալրոյն ասել է, որ այժմ ուսումնասիրվում է հենց ԱՄՆ-ից որևէ մեկի կողմից տեղեկատվության հրապարակման հնարավորությունը։ Գործակալության աղբյուրներից մեկի համաձայն՝ քննիչները դիտարկում են արտահոսքի չորս կամ հինգ հնարավոր դրդապատճառներ՝ սկսած աշխատակցի դժգոհությունից մինչև ԱՄՆ ազգային անվտանգության շահերը խաթարելու փորձ: Հնարավոր է նաև, որ արտահոսքի հետևում կանգնած են «ռուսամետ տարրեր»:
Ամերիկյան լրատվամիջոցներն անցյալ շաբաթ սոցցանցերում հարյուրից ավելի գաղտնի փաստաթղթեր են հայտնաբերել։ Դրանցից մի քանիսը վերաբերում են ԱՄՆ-ի և դաշնակիցների կողմից Ուկրաինային տրամադրվող ռազմական օգնությանը և Կիևի հակահարձակման նախապատրաստմանը: Մյուսները տեղեկություններ են պարունակում Մերձավոր Արևելքի և Չինաստանի, ինչպես նաև գործընկերների հսկողության վերաբերյալ: Տեղի ունեցածը կոչվում է Էդվարդ Սնոուդենից հետո գաղտնիքների ամենամեծ արտահոսքը։
