ՏԵՍԱՆՅՈՒԹ. «Մեկ անգամ հարվածել եմ». Մհեր Սահակյանն ազատ արձակվեց
Պատգամավոր Մհեր Սահակյանն ազատ արձակվեց: ՀՀ ոստիկանության Երևան քաղաքի վարչության Ձերբակալվածների պահման վայրում հավաքվել են ԱԺ «Հայաստան» խմբակցության պատգամավոր Մհեր Սահակյանի կուսակիցները, ընկերները: 72 ժամը լրացել է:
Մարտի 31-ին ՔԿ-ն հայտնել էր, որ Ազգային ժողովում տեղի ունեցած միջադեպի առթիվ նախաձեռնվել է քրեական վարույթ. պատգամավոր Մհեր Սահակյանը ձերբակալվել է:
Հիշեցնենք, որ 2023թ. մարտի 31-ին Ազգային ժողովի պետական-իրավական հարցերի մշտական հանձնաժողովի աշխատանքային փակ քննարկման ավարտին, որին մասնակցում էին բացառապես պատգամավորներ և Հայաստանի միջազգային իրավական հարցերով ներկայացուցիչը, տեղի է ունեցել անցանկալի միջադեպ: Այս մասին ասվում է մարտի 31-ին Ազգային Ժողովում տեղի ունեցած միջադեպի առնչությամբ «Հայաստան» խմբակցության տարածած հայտարարությունում:
