Ստոլտենբերգը ողջունել է Թուրքիայի որոշումը ՆԱՏՕ-ին Ֆինլանդիայի անդամակցության վերաբերյալ
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ ողջունում է Թուրքիայի խորհրդարանի որոշումը, որը հաստատել է դաշինքին միանալու Ֆինլանդիայի դիմումը։
«Ես ողջունում եմ Թուրքիայի խորհրդարանի քվեարկությունը՝ ավարտին հասցնելու Ֆինլանդիայի անդամակցության համաձայնագրի վավերացումը»,- գրել է Ստոլտենբերգը Twitter-ում։
«Սա ՆԱՏՕ-ի ողջ ընտանիքը կդարձնի ավելի ամուր և անվտանգ»,- հավելել է նա։
Ավելի վաղ հաղորդվել էր, որ Թուրքիայի խորհրդարանը հաստատել է ՆԱՏՕ-ին անդամակցելու Ֆինլանդիայի հայտը։
Այսպիսով, Հյուսիսատլանտյան դաշինքի բոլոր պետությունները վավերացրել են Հելսինկիի դիմումը։ Մնացած ձևականությունների ավարտից հետո Ֆինլանդիան պաշտոնապես կդառնա ՆԱՏՕ-ի անդամ։
ՆԱՏՕ-ին անդամակցելու ընթացակարգի համաձայն՝ անդամ երկրներն այժմ կստորագրեն Հյուսիսատլանտյան պայմանագրի արձանագրությունները՝ Ֆինլանդիայի դաշինքին միանալու մասին և այդ մասին կտեղեկացնեն ԱՄՆ-ին՝ պայմանագրի ավանդապահին։ Այնուհետեւ ՆԱՏՕ-ի գլխավոր քարտուղար Յենս Ստոլտենբերգը Ֆինլանդիային կառաջարկի միանալ Հյուսիսատլանտյան պայմանագրին։ ՆԱՏՕ-ին երկրի անդամակցության վերաբերյալ փաստաթղթերը ԱՄՆ Պետդեպարտամենտին փոխանցելուց հետո Ֆինլանդիան պաշտոնապես կդառնա դաշինքի անդամ։
