ԱՄՆ-ն ստիպված կլինի փոխհատուցում վճարել Իրանին՝ երկրի ակտիվների անօրինական սառեցման համար․ ՄԱԿ-ի միջազգային դատարան
Արդարադատության միջազգային դատարանը ԱՄՆ-ի կողմից Իրանի ակտիվների մի մասի արգելափակումն անօրինական է ճանաչել եւ Նահանգներին պարտավորեցրել փոխհատուցում վճարել Թեհրանին։ Այս մասին գրում է ТАСС-ը։
Ինչպես նշել է դատարանի փոխնախագահ Կիրիլ Գևորգյանը, Վաշինգտոնը խախտել է իրանա-ամերիկյան բարեկամության, տնտեսական հարաբերությունների և հյուպատոսական իրավունքների պայմանագրով ստանձնած պարտավորությունները։
«ԱՄՆ-ն պարտավոր է Իրանին փոխհատուցում վճարել միջազգային պարտավորությունների հետևանքների և խախտման համար»,- ասել է Գևորգյանը։
2016 թվականին ԱՄՆ Գերագույն դատարանը մերժել էր 2 միլիարդ դոլար վերադարձնելու մասին Իրանի կենտրոնական բանկի հայցը՝ վճռելով, որ այդ միջոցները նախատեսված են ահաբեկչական հարձակումներից տուժածների համար, որոնցում իբր թե մասնակցել է Թեհրանը։
