ԼՈՒՍԱՆԿԱՐՆԵՐ․ Պապիկյանը զինծառայողներին հորդորել է խստագույնս հետևել անվտանգության կանոններին

Մարտի 23-ին ՀՀ պաշտպանության նախարար Սուրեն Պապիկյանն այցելել է հանրապետության N զորամիավորման ենթակա զորամասերից մեկը։
Պաշտպանական գերատեսչության ղեկավարը ողջունել է մարտական հերթապահության պատրաստվող անձնակազմին, մաղթել անվտանգ և զգոն ծառայություն։ Այս մասին հայտնում է նախարարության մամուլի ծառայությունը։

Սուրեն Պապիկյանը զինծառայողներին հորդորել է խստագույնս հետևել անվտանգության կանոններին, ինչպես նաև ուշադրությամբ ու բարձր կարգապահությամբ կազմակերպել ծառայությունն ու մարտական հերթապահությունը՝ հատկապես անբարենպաստ եղանակային պայմաններում։
Նախարարը հրամանատարական կազմին տվել է համապատասխան հանձնարարականներ և ցուցումներ։

Այնուհետև պաշտպանության նախարարն առանձնազրույցներ է ունեցել զորամասի սպաների հետ, լսել բարձրացված հարցերը, ներկայացրել ԶՈՒ բարեփոխումների ընթացքը։

[541a33f58ee62bded8b711387f63ea52.png]

[31178e4b4aed328569464930064f80fd.png]

[cb4dfd7040b6d04ff0e2d3bde0bf0673.png]

[d2d1a7e9a7ed551a3662f40e1c19b581.png]