«Բախմուտում պետք է պայքարենք այնքան, որքան ֆիզիկապես կարող ենք». Ուկրաինայի ԱԳ նախարար
Ուկրաինայի զինված ուժերը շարունակում են մարտերը Բախմուտում, քանի որ քաղաքի կորուստը կվտանգի Կիևի կողմից վերահսկվող մյուս բնակավայրերը։
«Բախմուտում պետք է պայքարենք այնքան, որքան ֆիզիկապես կարող ենք»,- այս մասին BBC-ին տված հարցազրույցում ասել է Ուկրաինայի ԱԳ նախարար Դմիտրի Կուլեբան:
Բախմուտում իրավիճակը, ըստ նրա, մնում է էմոցիոնալ առումով շատ ծանր՝ Ուկրաինայի զինված ուժերի կրած կորուստների պատճառով։
Նշենք, որ Բախմուտում այժմ ամենաթեժ մարտերն են ընթանում:Իսկ ավելի վաղ ռուսական «Վագներ» մասնավոր ռազմական ընկերության ղեկավար Եվգենի Պրիգոժինը տեղեկացրել էր, որ ռուսական ուժերը վերահսկողություն են հաստատել Բախմուտի արևելյան հատվածի նկատմամբ, մարտերը շարունակվում են:
