ՏԵՍԱՆՅՈՒԹ. Արիզոնայում վտանգավոր նյութեր տեղափոխող բեռնատար գնացքը վթարի է ենթարկվել
Արիզոնայում վտանգավոր նյութեր տեղափոխող բեռնատար գնացքը դուրս է եկել ռելսերից, հայտնում է New York Times-ը՝ վկայակոչելով տեղական իշխանություններին։
Միջադեպը տեղի է ունեցել նախորդ գիշեր Մոխավե շրջանի Տոպոկ քաղաքի մոտակայքում։ Այն Արիզոնայի սահմանի մոտ է` Կալիֆոռնիայի և Նևադայի հետ:
Կատարվածից մանրամասներ չեն հաղորդվում։ Տեղեկություն չկա նաև վթարի հետևանքով արտահոսքի մասին։
Հիշեցնենք, որ մեկ ամիս առաջ բեռնատար գնացքի 141 վագոններից 50-ը ռելսերից դուրս էր եկել Օհայոյում։ Քսան վագոններ պարունակում էին վտանգավոր քիմիական նյութեր, այդ թվում՝ վինիլքլորիդ։ Վթարի պատճառով հզոր հրդեհ էր բռնկվել, հրդեհը պատել էր գնացքի բազմաթիվ վագոններ։ Մոտակա բնակավայրերից մեկում հայտարարվել էր տարհանում։
