Բաշար Ասադը պաշտոնական այցով ժամանել է Մոսկվա
Սիրիայի նախագահ Բաշար ալ-Ասադը այսօր երեկոյան պաշտոնական այցով ժամանել է Մոսկվա, որտեղ բանակցություններ կվարի ՌԴ նախագահ Վլադիմիր Պուտինի հետ։ Այս մասին գրում են ռուսական ԶԼՄ-ները՝ հղում տալով Սիրիայի նախագահի գրասենյակին։
«Նախագահ Բաշար ալ-Ասադը պաշտոնական այցով ժամանել է Մոսկվա, որի ընթացքում նա բանակցություններ կվարի ՌԴ նախագահ Վլադիմիր Պուտինի հետ»,- նշվում է հաղորդագրության մեջ։
Համաձայն Կրեմլի տարածած հաղորդագրության՝ երկու երկրների առաջնորդների հանդիպմանը քննարկվելու են քաղաքական, առևտրային, տնտեսական և հումանիտար ոլորտներում ռուս-սիրիական համագործակցության հետագա զարգացման արդիական հարցեր, ինչպես նաև Սիրիայում և նրա շուրջ իրավիճակի համապարփակ կարգավորման հեռանկարները։
