ՏԵՍԱՆՅՈՒԹ.«Մենք հիմա ապրում ենք նախկին ՊՆ շենքի դիմացի փողոցում, վրանների տակ». բնակիչ

ՊԵԿ-ի դիմաց բողոքի ակցիա են իրականացնում  ՊՆ նախկին շենքի բնակիչները: Նրանցից մեկը լրագրողների հետ զրույցում ասաց, որ իրենք մի քանի հարց ունեն: 

«Մեզ ինչու են մեր տներից դուրս հանել, ինչու են կտրել լույսը, ու ինչու են շենքի բնակիչները դեռևս գտնվում անորոշ վիճակում։ Ո՞ւր էին մինչև հիմա, եթե պետական գույք է, ապա ինչո՞ւ էին նախկինում թողնում, որ մենք ներս մտնենք, ինչո՞ւ սպասեցին, որ մարդիկ 2 տարի այնտեղ ինչ-որ բան ստեղծեն, բնակվեն, հետո այդ մարդկանց թալանեն ու վռնդեն այնտեղից»,- ասաց շենքի բնակիչը։

Հարցին՝ հիմա որտե՞ղ են բնակվում, բնակիչը նշեց․

«Մենք հիմա ապրում ենք նախկին ՊՆ շենքի դիմացի փողոցում, վրանների տակ։ Մենք պայքարելու ենք վերադառնալու համար։ Մինչ այս պահը այս հարցով դիմել ենք և՛ դատարան, և՛ նախարարություն, բայց ոչ մի տեղից դեռ արձագանք չկա»։

Հիշեցնենք, որ 2022 թվականի ապրիլի 15-ի որոշումով՝ Կառավարությունը ՊՆ նախկին շենքը ամրացրել է ՊԵԿ-ին՝ այն արտաքին տնտեսական գործունեության (ԱՏԳ) կենտրոն դարձնելու նպատակով։

Մանրամասները` տեսանյութում: