ՏԵՍԱՆՅՈՒԹ. «Սպայկա» ընկերության աշխատակիցները բողոքի ցույց են անում. 2 ամիս է աշխատավարձ չեն ստանում
Այսօր քաղաքացիները ահազանգել էին Auroranews-ի խմբագրություն, հայտնել, որ «Սպայկա» ընկերության աշխատակիցները բողոքի ցույց են անում Արարատի մարզի Տափերական գյուղում: Նրանք նշում են, որ աշխատակիցները երկու ամիս է, ինչ աշխատավարձ չեն ստանում:
Auroranews-ը կապ հաստատեց «Սպայկա» ընկերության ֆինանսական բաժնի տնօրեն Սամվել Ստեփանյանի հետ, նա հաստատեց լուրն այն մասին, որ քաղաքացիները բողոքի ցույց են անում.
«Խնդիրը եղել է տեխնիկական, այսօր աշխատակիցները կստանան բոլոր աշխատավարձերը»,-ասաց Ստեփանյանը:
Այն հարցին, թե ո՞րն է եղել պատճառը, որ աշխատակիցները երկու ամիս շարունակ աշխատավարձ չեն ստացել, նա նշեց, որ այս պահին ուրիշ մեկնաբանություն չի կարող ներկայացնել:
