Ֆինլանդիայում հակաթուրքական ցույցի մասնակիցներն այրել են Էրդողանի նկարը

Ֆինլանդիայում հակաթուրքական չարտոնված ցույցի մասնակիցներն այրել են Թուրքիայի նախագահ Ռեջեփ Թայիփ Էրդողանի նկարը:

Տեղական լրատվամիջոցները հայտնում են, որ ակցիան տեղի է ունեցել Հելսինկիում` դեսպանատան մոտ

Հելսինկյան ոստիկանության ազդանշանային և հսկողության վարչության պետ Հեյկի Պորոլան ասում է, որ հանցագործները դիմակներով են եղել, այդ թվում՝ ինչպես բնիկ ֆիննացիներ, այնպես էլ օտարերկրյա ծագում ունեցող մարդիկ: 

«Պարզվել է, որ այրված լուսանկարում  պատկերված  է նախագահի պատկերը: Հիմքեր կան կասկածելու, որ կատարվել է հանցագործություն»,- ասել է ոստիկանության ներկայացուցիչը։

Ոստիկանությունը բերման է ենթարկել չորս մարդու, որոնք ավելի ուշ ազատ են արձակվել։ Նրանք կասկածվում են իշխանություններին ընդդիմանալու, անհնազանդության և նույնիսկ  զրպարտության մեջ։ Պորոլայի խոսքով՝ կասկածյալները հարցաքննվել են, իսկ նախաքննության արդյունքները կփոխանցվեն դատախազին՝ նրանց պատասխանատվության ենթարկելու համար։

Ակցիայի կազմակերպիչները լրատվամիջոցներին հայտնել են, որ այն կազմակերպվել է որպես բողոք քրդերի հետ Թուրքիայի պատերազմի և այդ երկրի տոտալիտար ներքին քաղաքականության դեմ։

Ավելի վաղ Շվեդիայում Ստոկհոլմի քաղաքապետարանի դիմաց գլխիվայր կախել էին Էրդողանին պատկերող տիկնիկին, իսկ Թուրքիայի դեսպանատան դիմաց այրել էին Ղուրանը։ Այս դեպքերից հետո Թուրքիայի նախագահն ասել է, որ Շվեդիայի համար անիմաստ է ակնկալել, որ Անկարան կառաջարկի ՆԱՏՕ-ին անդամակցելու իր դիմումը։ Շվեդիայի՝ ՆԱՏՕ-ին անդամակցելու շուրջ բանակցությունները սառեցվեցին։