Մոսկվայի մարզի նահանգապետը մեկնաբանել է Կոլոմնայի մարզում անօդաչու թռչող սարքի ընկնելու միջադեպը

Նա հայտնել է, որ Գուբաստովո գյուղի մոտ գտնվող Կոլոմնա քաղաքային թաղամասում ընկած անօդաչու սարքի թիրախը հավանաբար եղել է քաղաքացիական ենթակառուցվածքի օբյեկտ, բարեբախտաբար այն չի տուժել։

«Զոհեր և ավերածություններ չկան։ Ռուսաստանի Դաշնության Անվտանգության դաշնային ծառայությունը և իրավասու այլ մարմիններ զբաղվում են իրավիճակով, բնակիչների անվտանգությանը ոչինչ չի սպառնում»։ - գրել է նա Telegram-ի իր ալիքում։

Ավելի վաղ լրատվականները հայտնել էին, որ Կոլոմնա շրջանի Վոսկրեսենսկի գազի կոմպրեսորային կայանի ցանկապատից մոտ 10 մետր հեռավորության վրա անօդաչու թռչող սարք է բախվել։ Գազի ցանցերի աշխատանքը չի խափանվել։

Հիշեցնենք՝ Ռուսաստանի պաշտպանության նախարարությունը հայտնել է, որ փետրվարի 28-ի գիշերը Ուկրաինայի Զինված ուժերը փորձել են անօդաչու թռչող սարքեր կիրառել Կրասնոդարի երկրամասում և Ադիգեայի Հանրապետության քաղաքացիական ենթակառուցվածքների վրա