Ղազախստանում աշակերտը կացնով և դանակով հարձակվել է դպրոցականների վրա
Ղազախստանի Պետրոպավլովսկ քաղաքի դպրոցներից մեկում 9-րդ դասարանցին դանակով ու կացնով վիրավորել է երեք աշակերտի, նա արդեն ձերբակալված է, գրում է Readovka-ն։
Իններորդ դասարանի աշակերտը առավոտյան կացնով ու դանակով եկել է դպրոց, զուգարանում դիմակավորվդլ, հետո դուրս է եկել միջանցք ու վիրավորել երեք երեխայի` իններորդ և տասներորդ դասարաններում սովորող երկու տղայի և մեկ աղջկա։ Տուժածները գիտակցության մեջ են, նրանք այժմ հիվանդանոցում են՝ գլխի և նախաբազկի կտրած-ծակած վերքերով։
Դպրոցում, ինչպես արդեն նշել են Կրթության վարչությունում, չկա պրոֆեսիոնալ պահպանություն։ Իններորդ դասարանցին, ով, նախնական տվյալներով, հաշվառված է հոգեբուժական մատյանում, արդեն ձերբակալվել է՝ նախաքննություն է սկսվել սպանության փորձի հոդվածներով։
