Խոցված օդապարիկը պատկանել է չինական բանակին, այն խոշոր հետախուզական ծրագրի մի մասն էր. Fox News

 Հանգստյան օրերին Հարավային Կարոլինայի ափերի մոտ խոցված չինական լրտեսական օդապարիկը չինացի զինվորականների կողմից իրականացվող խոշոր հետախուզական ծրագրի մի մասն էր: Այս մասին հայտնում է Fox News-ը՝ վկայակոչելով ԱՄՆ ռազմական և ազգային անվտանգության բարձրաստիճան ներկայացուցիչներին։ 

Հեռուստաալիքը նշում է, որ օդապարիկների միջոցով հետախուզությունը հիմնականում իրականացրել է Չինաստանի ժողովրդական ազատագրական բանակը, այդ թվում ՝ Ճապոնիայի, Թայվանի, Վիետնամի, Ֆիլիպինների և Հնդկաստանի տարածքներում։ 

Միևնույն ժամանակ, նախկինում ԱՄՆ-ի օդային տարածքում հայտնվել են դիտորդական օդապարիկներ, որոնք օգտագործվում են հետախուզության հավաքման համար։ Չինական մեկ այլ լրտեսական օդապարիկ հայտնաբերվել էր չորս ամիս առաջ այն բանից հետո, երբ այն ընկել էր Խաղաղ օվկիանոսը Հավայան կղզիների մոտ: 

«Այժմ մենք ավելին ենք իմանում օդապարիկների միջոցով հսկման այս չինական ծրագրի մասշտաբների մասին», - ասել է պաշտպանության նախարարության խոսնակ, գեներալ Պատրիկ Ռայդերը: 

Ավելի վաղ ԱՄՆ վարչակազմը հայտարարել էր, որ Չինաստանի իշխանությունները հինգ մայրցամաքներում հետախուզական օդապարիկներ են օգտագործում՝ խախտելով մի շարք պետությունների ինքնիշխանությունը։ Չինաստանի  օդապարիկը խոցվել է փետրվարի 4-ին։ Մինչ այդ նա մի քանի օր անցկացրել է ԱՄՆ օդային տարածքում։ Պեկինում ասել են, որ օդապարիկը քաղաքացիական է և պատահաբար էր հայտնվել ԱՄՆ-ի վրա։