Սիրիայում տեղի ունեցած երկրաշարժի հետևանքով 2 հայ է զոհվել` մայր ու որդի․ մանրամասներ

Քիչ առաջ հայտել էինք, որ Սիրիայում տեղի ունեցած երկրաշարժի զոհերի թիվը հասել է 237-ի, վիրավորվել է 639 մարդ, հայտնում է այդ երկրի առողջապահության նախարարությունը։

Միաժամանակ, Սիրիայի հայկական «Գանձասար» պարբերականը ֆեյսբուքյան իր էջում հայտնում է, որ ամենաուժեղ ցնցումները տեղի են ունեցել Իդլիբում, Հալեպում և Լաթաքիայում։

Ըստ պարբերականի` զոհերի մեջ հայեր էլ կան։ Մի քանի շենք փլվել է, փրկարարական աշխատանքները շարունակում են։

Հիշեցնենք՝ այսօր հզոր երկրաշարժեր են տեղի ունեցել Թուրքիայում ու Սիրիայում։ Թուրքիայում հաղորդում են 76 զոհի ու ավելի քան 400 վիրավորի մասին, Սիրիայում ավելի վաղ նշվում էր 42 զոհի ու ավելի քան 200 վիրավորի մասին։

«Մեր ունեցած տեղեկություններով` Հալեպում` Ազիզիե թաղամասից 2 հայ է զոհվել, մեկը հիվանդանոցում է, իսկ մեկ անձ էլ փլատակների տակ է։ Մայր ու տղա զոհվել են, հոր ոտքն է ամպուտացվել և այժմ հիվանդանոցում է, իսկ աղջկան փորձում են փլատակների տակից հանել։ Շատ երկար տևեց երկրաշարժը` բոլորը փողոց էին դուրս եկել. ես ինքս նոր տուն գնացի` պատերը վնասվել են»,– Sputnik Արմենիայի հետ զրույցում հայտնել է Սիրիայի Հայ բարեգործական ընդհանուր միության ատենապետ Ներսես Ներսոյանը։