Մենք կոչ ենք արել ամբողջությամբ վերականգնել Լաչինի միջանցքով ազատ տեղաշարժը․ Նեդ Փրայս

«Մենք շարունակում ենք ուղիղ քննարկումները Հայաստանի ու Ադրբեջանի հետ՝ թե երկկողմ ձևաչափով և թե գործընկերների հետ։ Այդ գործընթացը առաջ ենք տանում բազմաթիվ կառույցների միջոցով»․ հունվարի 24-ի ճեպազրույցի ժամանակ հայտարարել է ԱՄՆ Պետքարտուղարության խոսնակ Նեդ Փրայսնը

 Նրա խոսքով «Լեռնային  Ղարաբաղում վատթարացող հումանիտար վիճակը մեզ շատ է անհանգստացնում։ Հարցը վերջին օրերին եղել է պետքարտուղար Բլինքենի և Հայաստանի ու Ադրբեջանի ղեկավարների քննարկման թեմա։ Մենք պնդել ենք, որ Լաչինի միջանցքով առևտրային և մասնավոր փոխադրումների խոչընդոտումը հանգեցրել է սննդի, վառելիքի ու դեղամիջոցների պակասի։ Բնական գազի և այլ կոմունալ ծառայությունների պարբերաբար խափանումներն ավելի են խորացնում վատթարացող մարդասիրական իրադրությունը»։

«Մենք կոչ ենք արել ամբողջությամբ վերականգնել միջանցքով ազատ տեղաշարժը։ Մենք փակուղուց պետք է լուծում գտնենք, որը կապահովի տարածքում ապրող բնակչության բարեկեցությունը։ Հավատում ենք, որ առաջ շարժվելու ճանապարհը բանակցությունների միջոցով է։ Մենք հավատարիմ ենք տևական խաղաղությանը։ Մենք խոսքով և գործով ցույց ենք տվել կողմերի հետ աշխատելու մեր կամքը։ ԱՄՆ-ն շարունակում է իրենից կախված ամեն ինչ անելու երկխոսությունը  և միջանցքով ազատ տեղաշարժի վերականգնումը խրախուսելու համար», – ասել է Փրայսը։