«Լաչինի միջանցքի շուրջ ստեղծված իրավիճակը լուրջ է». Տոյվո Կլաարը Երևանում է
Հարավային Կովկասում Եվրամիության հատուկ ներկայացուցիչ Տոյվո Կլաարը Երևանում է, այս մասին ավելի վաղ հայտնել էր սոցցանցի իր էջում.
«Մեկ օրով վերադառնում եմ Երևան՝ հանդիպումների։ Լաչինի միջանցքի շուրջ ստեղծված իրավիճակը լուրջ է, և անհրաժեշտ է հրատապ լուծումներ գտնել: Ես անհամբեր սպասում եմ քննարկումներին՝ հետագա ուղիները գտնելու համար: Եվրոպայի գլխավոր նպատակը մնում է հայ-ադրբեջանական հարաբերությունների համապարփակ կարգավորումը»,- սոցցանցում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։
