![Մակրոնն Արա Թորանյանի և Մուրադ Փափազյանի հետ քննարկել է Լաչինի միջանցքի հարցը](https://auroranews.am/storage/img/base_image/old/685685c4f2c9471fc08a285be2a230a8.webp)
Մակրոնն Արա Թորանյանի և Մուրադ Փափազյանի հետ քննարկել է Լաչինի միջանցքի հարցը
![Մակրոնն Արա Թորանյանի և Մուրադ Փափազյանի հետ քննարկել է Լաչինի միջանցքի հարցը](https://auroranews.am/storage/img/base_image/old/685685c4f2c9471fc08a285be2a230a8.webp)
Ֆրանսիայի նախագահ Էմանուել Մակրոնը հունվարի 23-ին Ելիսեյան պալատում ընդունել է Ֆրանսիայի հայկական կազմակերպությունները համակարգող խորհրդի համանախագահներ Արա Թորանյանին և Մուրադ Փափազյանին: Այս մասին հայտնում են Ֆրանսիայի հայկական կազմակերպությունների համակարգող խորհրդի մամուլի ծառայությունից։
Մակրոնն ու հայ համայնքի ներկայացուցիչները քննարկել են 2022-ի դեկտեմբերի 12-ից Լաչինի միջանցքի փակման հետևանքով Արցախում ստեղծված իրավիճակը: Անդրադարձ է կատարվել նաև Հայաստանի տարածքային ամբողջականությանը վերաբերող սպառնալիքներին։
CCAF-ի համանախագահները ողջունել են Էմանուել Մակրոնի կողմից իրենց նկատմամբ ցուցաբերված ուշադրությունը և հույս հայտնել, որ Ֆրանսիան ավելի ակտիվ դեր կխաղա Լեռնային Ղարաբաղի բնակչության պաշտպանության գործում, որին ներկայումս սպառնում են էթնիկ զտումները, ինչպես նաև Լեռնային Ղարաբաղի տարածքային ամբողջականությունը պահպանելու հարցում։