«Լեհաստանը, Լիտվան ընդհանրապես ցնդել են». Լուկաշենկո
Բելառուսի նախագահ Ալեքսանդր Լուկաշենկոն ասել է, որ Ուկրաինան առաջարկում է չհարձակման պայմանագիր կնքել՝ միաժամանակ շարունակելով մարզել զինյալներին, որոնք պոտենցիալ վտանգ են ներկայացնում Բելառուսի ազգային անվտանգության համար։
«Ես չգիտեմ, թե ինչու են ուկրաինացիները դա անում: Մի կողմից նրանք մեզ խնդրում են, որ ոչ մի դեպքում չկռվենք Ուկրաինայի հետ, որպեսզի մեր զորքերը չտեղաշարժվեն այնտեղ: Նրանք առաջարկում են ստորագրել չհարձակման պայմանագիր»,-ասել է Լուկաշենկոն՝ երկրում սոցիալ-քաղաքական իրավիճակին և հանցավորության վիճակին նվիրված հանդիպմանը։ Նրա խոսքերը մեջբերում է BelTA գործակալությունը։
Լուկաշենկոն կարծում է, որ «Լեհաստանը, Լիտվան ընդհանրապես ցնդել են»։
«Նրանց ինչի՞ն է պետք սպառնալիքներ ստեղծելը, պարզ չէ, հետևաբար, մենք ստիպված ենք կոշտ արձագանքել»,- ասել է նա՝ հավանաբար նկատի ունենալով սպառնալիքները՝ ուղղված ՌԴ-ի հասցեին:
«Մենք բավականաչափ խնդիրներ ունենք պարագծի շուրջ՝ և՛ օդային տարածքում, և՛ ցամաքում, կանաչ սահմանը, մենք բավական խնդիրներ ունենք այնտեղ, Աստված մի արասցե, որ այս ամենը պահպանվի»,- հավելել է Բելառուսի նախագահը։
