ԼՈՒՍԱՆԿԱՐՆԵՐ. ՊՆ-ն` համացանցում տարածված կադրերի մասին

 Տելեգրամ ալիքներում լուսանկարներ են տարածվել , որոնք փաստում են, թե որքան անմխիթար վիճակում են գտնվում մարտական հենակետերը։ Ըստ շրջանառվող տեղեկության՝ լուսանկարներն արվել են Սյունիքում։ 

Auroranews.am-ը կապ հաստատեց Պաշտպանության նախարարության մամուլի քարտուղար Արամ Թորոսյանի հետ: Խոսնակը նշեց, որ լուսանկարների հիմաան վրա ՊՆ-ում ուսումնասիրություններ են իրականացվում` դրանց իրականության հետ համապատասխանությունը ստուգելու նպատակով։։

Հետաքրքրվեցինք նաև` այցելել են արդյոք ՊՆ նախարարն ու Գլխավոր շտաբի պետը Ազատ գյուղում տեղակայված զինվորական կացարանի տարածք, որտեղ հրդեհ էր բռնկվել: Խոսնակը նշեց.  «Նախարարի հանձնարարությամբ բազմաթիվ ՊՆ ներկայացուցիչներ և բարձրաստիճան զինվորականներ այցելել են դեպքի վայր»: 

Ճշգրտող հարցին` արդյոք ՊՆ նախարարը գնացել է ողբերգական հրդեհի վայր` ասաց,  որ այցը կլուսաբվանվի նախարարության պաշտոնական հաղորդագրությամբ: Այդպես էլ չհստակեցնելով` նախարարը գնացել է, թե ոչ:
[330201ad722c6eebf8643484eeba0807.jpg]
[3019c014c438e863ef3d74f775aa3076.JPG]

[89848cb738357653a48c18b27ea33418.JPG]

[d82b230554e2d20627858ea03b0df40a.JPG]