ԱՄՆ-ում 6-ամյա տղան կրակել է ուսուցչուհու վրա

ԱՄՆ-օի Վիրջինիա նահանգի տարրական դպրոցում 6-ամյա աշակերտը կրակել եւ վիրավորել է ուսուցչուհուն։ Ինչպես տեղեկացրել է AP-ն, Ռիչնեկի տարրական դպրոցում տեղի ունեցած հրաձգության հետեւանքով աշակերտներից ոչ ոք չի տուժել։ 30-ամյա ուսուցչուհին կյանքի համար վտանգավոր վնասվածքներ է ստացել։ 

[ff703dbe4f278d613ca559613103991b.jfif]

Ոստիկանների խոսքով՝ տղան ատրճանակ է ունեցել, եւ քննիչները փորձում են պարզել, թե որտեղից է այն հայտնվել նրա մոտ։ Ոստիկանապետը լրացուցիչ մանրամասներ չի հաղորդել դպրոցում վեճի կամ այն մասին, թե ինչ կարող էր տեղի ունեցած լինել դպրոցի ներսում։

[88d616f22633b49184b57a6a35e07221.jfif]

Վիրջինիայի օրենքը թույլ չի տալիս դատել 6-ամյա երեխաներին։ Բայց անչափահասների գործերով դատավորն իրավունք ունի զրկել ծնողներին խնամակալությունից եւ երեխային հանձնել սոցծծառայությունների դեպարտամենտին։