Խմելու ջուրն անխնա հոսում է, խնդիրը լուծում չի ստանում. բնապահպանն ահազանգում է
Բնապահպան Մարիամ Սուխուդյանը ֆեյսբուքյան իր էջում գրառում է արել, որում նշել է Զովունի գյուղում «խմելու ջրի անխնա հոսքի մասին»:
«Սա մեր փողոցն է, Զովունի գյուղը, Դավիթաշենին կից Երևանին ամենամոտ գտնվող գյուղը, շաբաթներ է արդեն խմելու ջուրն անխնա հոսում է ժանգոտած ծակ խողովակներով իր հետ տուն բերելով ճանապարհին ինչ պատահի։
Ու էսպես արդեն տարիներ շարունակ, ողջ գյուղից մեկ, երկու հոգի է ահազանգում այս սանիտարահիգիենիկ աղետի մասին, չնայած երեխաները խմում են այս ջրից ու ստամոքսում սուր ցավեր ունենում։
Վեոլիան պատասխանում է զանգերին, գալիս կեղտոտ ջրից փորձանմուշ վերցնում ու հաջորդ օրն պատասխանում, որ նորմայի մեջ է ջրի որակը,ծակ 60 տարվա խողովակների մեջ շիվ խրում ու գնում իր գործերով։Գյուղապետարանը խորը մեդիտացիայի մեջ է»,- գրում է օգտատերը։
