Ուկրաինայի նախագահ Վլադիմիր Զելենսկին ելույթ է ունեցել ԱՄՆ Կոնգրեսում։

Նա շնորհակալություն է հայտնել ամերիկացիներին ռուսական ագրեսիան ետ մղելու հարցում իրենց երկրին ցուցաբերած հսկայական օգնության համար և ասել, որ հաջորդ տարի պատերազմում «շրջադարձային պահ» է լինելու։

«Չնայած բոլոր դժվարություններին և մռայլ սցենարներին, Ուկրաինան չի ընկել, Ուկրաինան ողջ է և անվնաս»,- ասել է նա։

Նա կոչ է արել ԱՄՆ-ին չդադարեցնել աջակցությունը՝ նշելով, որ Ուկրաինային անհրաժեշտ է զենք ու զինամթերք մատակարարել։ Զելենսկին ընդգծել է, որ չի պատրաստվում խնդրել ամերիկացի զինվորականներին կռվել ուկրաինացիների համար, քանի որ վերջիններս «կարող են հրաշալի կառավարել ամերիկյան տանկերն ու ինքնաթիռները»։

«Ռուսաստանը հանցակից է գտել իր ցեղասպան քաղաքականության մեջ: Դա Իրանն է: Իրանական անօդաչու թռչող սարքերը, որոնք Ռուսաստանը ստանում է հարյուրավորներով, սպառնալիք են դարձել մեր կարևոր ենթակառուցվածքների համար: Այսպիսով, ահաբեկիչներից մեկը մյուսին է գտել ազատ աշխարհի դեմ պայքարելու համար»,-ասել է Զելենսկին։

Ելույթի ավարտին Ուկրաինայի նախագահը Ներկայացուցիչների պալատի նախագահ Նենսի Փելոսիին է հանձնել Բախմուտի պաշտպանության առաջնագծում մարտչնչող ուկրաինացի զինվորների ստորագրությամբ ուկրաինական դրոշը։