«Մենք ցանկանում ենք, որ Հայաստանը սեղմի Ադրբեջանի և Թուրքիայի մեկնած խաղաղության ձեռքը». Աքար
«Մենք ցանկանում ենք, որ Հայաստանը սեղմի Ադրբեջանի և Թուրքիայի մեկնած խաղաղության ու բարեկամության ձեռքը, ձեռնպահ մնա սադրանքներից և կենտրոնանա խաղաղ բանակցությունների վրա»,- ադրբեջանական լրատվամիջոցների փոխանցմամբ՝ հայտարարել է Թուրքիայի պաշտպանության նախարար Հուլուսի Աքարը։
Թուրքական Կայսերի քաղաքում նախարար Աքարը հյուրընկալել է ադրբեջանցի ու վրացի պաշտոնակիցներին։ Եռակողմ հանդիպման ընթացքում հարևան երկրների պաշտոնյաները քննարկել են տարածաշրջանում անվտանգության իրավիճակը, ինչպես նաև եռակողմ ձևաչափով համագործակցության ընթացիկ ծրագրերն ու հեռանկարները:
«Մեզ բոլորիս համար կարևոր է ռազմավարական համագործակցության հետագա ընդլայնումը և մեր երկրների միջև համագործակցությունը»,- հայտարարել է Թուրքիայի պաշտպանական գերատեսչության ղեկավարը:
