«Հպարտ եմ ձեզնոց, տղաներ»,- նման վերտառությամբ Ֆրանսիայի նախագահ Էմանուել Մակրոնը հրապարակել է Աշխարհի առաջնության ընթացքում Ֆրանսիայի հավաքականի հանդերձարանում իր ունեցած ելույթը:

Նա մասնաորապես քաջալերել է հավաքականին, ասելով` դուք ոգևորեցիք միլիարդավոր մարդկանց, ովքեր դիտեցին այս խաղը: Դուք հիանալի ֆուտբոլ ցուցադրեցիք: Այս հանդիպումից հետո, անկասկած, ափսոսանքի զգացում կլինի:

Լսեք ինձ ուշադիր.

«Դուք իսկապես հիանալի թիմ եք, քանի որ ես չեմ կարծում, որ կա որևէ այլ թիմ, որը կարող էր անել այն, ինչ դուք արել եք մինչ այժմ.  հաղթանակից հետո վերադառնալ և կրկին այդքան մոտ լինել հաղթելուն»:

Հիշեցնենք, որ երեկ Արգենտինան 11 մետրանոց հարվածաշարով հաղթեց Աշխարհի առաջնությունում։ Մրցում էին Ֆրանսիայի և Արգենտինայի հավաքականները։ Ավարտվեց հանդիպման լրացուցիչ ժամանակը, նշանակվեց 11 մետրանոց հարվածաշար, որում Արգենտինան հաղթանակ տարավ։